ATM ની જૂની કેટલીક રસીદ,
મ્યુઝીયમની ટિકીટ સાથે પાંચ-પાંચ રૂપિયાની બે બસ ટિકીટ,
એક કોફી બિલ-એક હોટ બીજી કોલ્ડ,
બિલ કોફીનું છે પણ તે રાતે આઈસક્રિમ પણ ખાધી હતી-એક કોન બીજી સ્ટીક!
ટ્રાફિક પોલીસે ફાડેલી કાપલી લખ્યું તું-૨૫૦ રૂપિયા
એ જ દિવસની બે મૂવિ ટિકીટ્સ-સ્કિન નંબર ૪.
ચોકલેટ્સ ના ખાલી કાગળિયા સાથે મોજાની ગંધ!
ડિનર"પોસ્ટપોન્ડ" સાથે તેણીએ લખેલી એક નોંધ.
એક બ્લૂઈશ ગિફ્ટ પેકિંગનો કાગળ-ઈટાલિક્સમાં લખેલું મારૂ નામ સાથે...વિથ લવ
કાપલી પર પ્રેઝંટ્ મૂમેંટ-૯ પી એમ.
હોસ્ટેલ રૂમ એલોટ્મેન્ટની પર્ચી,
બે અડધા ભરેલા ફોમ્સ,ભૂલ ને લીધે અડધેથી છોડ્યાં હતાં,
'રણજીત'ના ગંજી પર બે ફોન નંબર-ખબર નથી કોના હતાં?
~હિરેન જોશી
હોસ્ટેલનો સામાન પેક કરતી વેળા...
