આ શહેરમાં સાંજ થતી નથી,
કોઈએ જોયું નથી સંધ્યાનું સૌંન્દર્ય,
પાછા ફરતા બળદગાડાંઓ,ઝાલર ટાણું,
હા,વોલપેપરમાં કોઈકવાર,
જોયું છે આ બધું,
રસ્તે નીકળે છે,
ઓફિસર્સ,મેનેજર,મજૂરો,ભિખારીઓ અને
પેલો રઘવાયો માણસ,
રોબોટ જેવી યંત્રવત સ્થિતીએ,
પૂરો દિવસ તણાવો,ચિંતાઓ,
છતાંયે સંધ્યાનો ઉન્માદ ના માણે!
જેમનાં સપનાઓ સિમેન્ટમાં જન્મે છે,
પલે છે,બઢે છે,
અને મૃત્યુ પામે છે.
તેમને 'ગોધૂલી'ની શી સમજ?
હા, આ શહેરમાં સાંજ થતી નથી,
કોઈએ જોયું નથી સંધ્યાનું સૌંદર્ય.
~હિરેન જોશી
શહેરમાં સાંજ....
